(Kiroldegiko oharra) Zumba ikastaroan izena emateko epea zabalik
Montse Ordax-ek gidatutako Zumba ikastaroan
izena emateko epea zabaldu du kiroldegiak. Dantza eta fitnessa batzen ditu
Zumbak, “jarduera intentsua da, izerditan egitekoa baina era berean
dibertigarria eta dantzarekin lotua”. Eskolak martitzenetan dira eguerdiko
15:00etan baina asmoa da jendea animatuz gero martitzen eta eguenetan 20:00etan
ere taldeak sortzea. Izena emateko ez da beharrezkoa abonatua izatea.
Interesatuek kiroldegira jo behar dute.