Ez zaie batere ondo
joan azken jardunaldia Sorako taldeei. Erregionala izan ezik, gainontzeko
taldeek galdu egin dute. ERREGIONAL PREFERENTEAK 1-0 galdu du Amaikak Bat
debarren zelaian eta ondorioz, Igoera Faseko sailkapenean behera egin du
seigarren posturaino. Hala ere Urola
liderretik bi puntura dago, 34 batuta. Hurrengo jardunaldian taldeko
hirugarrena den Mutrikuren kontra lehiatuko dira Ezozin.
ERREGIONALAK 0-2
irabazi zion Eibartarraki Eibarren domekan jokatutako norgehiagokan.
Poltsikoratutako hiru puntuei esker hirugarren kokatu da 7 punturekin, Bergara
dago lidertzan 12 batuta. Datorren asteburuan Alle punta zarauztarren kontra
neurtuko dituzte indarrak.
JUBENILEK gogor
borrokatu bazuten ere, 4-1 galtzen bukatu zuten Ikasberriren zelaian. 4 punturekin seigarrena da sailkapenean, Aloña Mendi
oñatiarrak daude lidertzan 10 puntu batuta. Datorren asteburuan Urkiren zelaian
neurtuko dituzte indarrak. Norgehiagoka interesgarria dirudi, Urki Soraren
atzetik zazpigarrena baita sailkapenean, puntu bat gutxiagorekin.
KADETE MUTILEK
deskantsua izan dute asteburuan. Datorrenean Bergararen zelaian neurtuko
dituzte indarrak. Sorako hamaikakoak hiru puntu ditu eta bosgarrena da
sailkapenean.
KADETE NESKEN TALDEAK
denboraldiko lehen gola sartu zuen Arizmendiren kontrako norgehiagokan. Hala
ere, eskoriatzarrak gehiago izan ziren eta 3-1 galtzen bukatu zuten partida.
Datorren asteburuan Aloña Mendi hartuko dute Ezozin.