Joan
zen urtean abiatu zuen bere jarduna Soraluzeko Harrera Elkarteak.
Lehenago Euskal Herri mailan sortu zuten Harrera Elkarteak bezala,
gartzelatik edo erbestetik datozen euskal herritarrei asistentzia
eskaintzea du helburu, “Alde batetik, tramite burokratikoak
kudeatzen laguntzea eta bestetik, beharrizan larrian ailegatzen diren
pertsonei gizarteratze duina eskaintzea” dute helburu.
Lanak
biderkatuta
Iazko
urrian Estrasburgoko epaitegiak Parot dotrina bertan behera laga
zuenetik hainbat preso kaleratu dira eta horrek biderkatu egin du
Harrera Taldeak egin beharreko lana. Egoera horri aurre egiteko diru
iturri nagusia bazkidetzak diren arren (26 herrian) oraingo eta
etorkizuneko beharrizanei aurre egiteko tarteka zozketak antolatuko
dituzte, herriko produktuz osatutako saskiarekin urtarrilaren 31n eta
otsailaren 1ean egingo duten moduan. Elkarteak eskerrak eman nahi
dizkie modu batera edo bestera euren laguntza eskaintzen diharduten
herritarrei.