Langileek salatu dutenez, euren
enpresak lehenago jasotzen zuen diru kopuru berbera jasotzen du
udaletik, KPI-a gehituta gainera, baina hala ere langileen lan
baldintzak nabarmen okertu nahi ditu. Espainiako Gobernuak uztailean
onartutako lege erreforma baliatuz langileen soldata %40a arte
jeisteko aukera du, beste hainbat neurrirekin batera. CCOO
sindikatuak ez beste guztiek bat egin dute langileen
aldarrikapenarekin eta udal gobernuak ere bere babesa adierazi die
langileei. Langileek oso garrantzitsutzat jo dute udal gobernuak eta
alkateak adierazitako babesa, jakinik enpresaren kontratua abuztuan
amaituko dela.
Garbitzaileak greban Villar enpresari hitzarmen kolektiboa sinatu dezan eskatzeko
Eraikin publikoak garbitzeko ardura
duten Villar enpresako zazpi garbitzaileak greban izango dira gaur
eta bihar. Hitzarmen kolektiboa sinatzea eskatzen diote enpresari,
azken honek martxotik aurrera estatuko hitzarmen eredua ezarriko
diela jakinarazi eta gero. Irudia: garbitzaileak pankarta ezartzen
atzo.