5.500 euro lortu ditu Misio Taldeak Argentinako adin txikikoen egoitza bati laguntzeko
Tonbola solidarioaren
bitartez etxean eginiko 126
panpina eta herriko merkatariek eskainitako produktuak zozketatu zituen Misio
Taldeak abenduan eta hiru egunetan, 5.500 euro
lortu zituzten familiarik ez duten edota tratu txarrak jasan dituzten Argentinako
adin txikiko aterpetxe bati diruz laguntzeko. Lerroon bitartez eskerrak
eman nahi dizkiete tonbolarekin bat egin eta prestaketa lanetan jardun zuten
guztiei, baita errifak erostera gerturatu zirenei ere. Irailean ekingo diote
berriz ere proiektu solidarioak babesteari.
ALBISTEAK ESKUKO TELEFONOAN
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.