Mondragon Unibertsitatearen eskutik, barixaku honetan (urtarrilak 17) Lean metodologia azaltzeko jardunaldia eskainiko du Debegesak, eskualdeko enpresei zuzenduta. Saioaren helburua da Debabarreneko enpresek LEAN metodologiari buruzko ezagutzak bereganatzea, dibertsifikazio proiektuak detektatzeko eta balioztatzeko metodologia honen alde teoriko zein prakrtikoak landuko dituzte. Jardunaldia bi hizlarik gidatuko dute; Mondragon Unibertsitateko Jaione Ganzarain eta Nekane Errasti, goizeko 9:00etatik 11:00ra, Debegesak Eibarren duen egoitzan. Parte hartu nahi dutenek izena eman dezakete on-line www.debegesa.com atarian, 943 82 01 10 telefonora deituz edota pymes@debegesa.com helbidera idatziz, dohainik.

LEAN STARTUP proiektu pilotuaren aitzindari

Jardunaldiotan parte hartzen duten enpresek, doako trebakuntza/jarduera baten bitartez, MUk eta Debegesak elkarrekin sustaturiko LEAN STARTUP proiektu pilotoan parte hartzeko aukera izango dute. Zehazki, ikaskuntza-prozesu batean parte hartzeko aukera eskainiko zaie, merkatu lider edota sektore estretegikoetan Dibertsifikazio Agenda bat ezartzeko helburua duena. Trebakuntza programa hau 6 saioz osatua dago, 4 ordukoak, eta datorren urtarrilaren 31n hasiko da. Informazio gehiago, www.debegesa.com atarian, ‘Ostiralak Debegesan’ atalean.