Ekintza ugarik osatu dute aurtengo Hamabostaldi Kulturala. Autodefentsa eta argazkilaritza tailerrak, musika emanaldiak, mahainguruak, film proiekzioak txokolate beroak lagunduta, umeentzat jarduerak, jatekoak, edatekoak, parrandak… adin eta gustu guztietarako egitaraua prestatu du, beste behin, Soraluzeko Gazteriak. Eduki aldetik modu positiboan baloratu dute aurtengo ekinaldia eta aurrera eraman diren jarduerak “arrakastatsu” moduan izendatu dituzte. Parte hartzaile faltagatik ordea dantza ikastaroa eta azken eguneko bazkari popularra bertan behera geratu dira eta hortaz, herritarrak, datorren urteko egitaraua prestatzera animatu nahi dituzte. Lehenago ere gaztetxean bere aletxoa ipini nahi duenak astero-astero egiten dituzten batzarretan du horretarako aukera; hurrengoa urtarrilaren 20an izango da, arratsaldeko 17:00etan.
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
{mosimage}
Soraluzeko Gazteriaren balorazioa
Urtia ondo amaitu eta barrixa hobeto hasteko, aurten be, Soraluzeko Gazteriak, Hamabostaldi Kulturala antolatu dogu, gustu guztietarako egitarau proposamen batekin. Antolatu doguzen ekintza guztiak modu autogestionatuan etara dira aurrera, horregatik eskerrak emotia nahi dotsegu Hamabostaldi hau posible egin dozuen guztioi.
Bergarako gaztetxeak Angiolillo
anarkista italiarraren gainean eginiko liburuaren aurkezpenarekin hasi zan Hamabostaldiko
eskeintza kulturala, jende dexente batu zan eta herritar askoren interesa
piztea lortu zeban aurkezpenak.
Hilaren 24an eta 31n, iluntzeko
poteoan ziskamiska ugari izan zan bertaratutakuen gozagarri eta gabian, musika
ona eta parranda izan ziran azpimarratu beharreko kontuak.
Hamabostaldiko filma
eskaintzari dagokionez, “El jardinero fiel” eta “Un crimen en el paraíso”
proiektatu ziran txokolate beruan laguntzaz. Gustora hartu genduan gaztetxian
epela ajeari aurre egiteko!
Hala eta be, hamabostaldixan ez
da dana arrakasta eta festa izan. Dantza tailerra eta azken eguneko bazkaria
bertan behera geratu ziran partehartzaile faltagatik, ia hurrenguan animatzen
garan antolatutako ekintzetan parte hartzera!
Argazki ikastaruari dagokionez,
kuadrilatxo bat elkartu ginan Iker Iglesias argazkilari aretxabaletarraren
ikastarora, goizean zihar, teoria eta praktika uztartu genituan eta kalera be
urten ginan argazkixak etaratzera. Arratsaldean berriz, Photoshopean
saltseatzen ibili ginan kapak gora eta kapak bera, brillo eta kontraste,
saturazio eta kolore! Argazkixekin lotuta, berriz be jakinarazi nahi dogu
gaztetxeko ekintzen argazkixak batzen gabizela gaztetxeko argazki artxiboa
osatzen juateko. Gainera, oraindik ere ikusgai daude batzen joan garen argazki batzuk
erakusketan!
Autodefentsa ikastaruan elkarri golpeka eta lurretik bueltaka ibili
ginan gustora asko, beraz, kontuz hemendik aurrera asko ikasita baikare!
Mahaingurueri dagokixenez, lehengo meditazioa eta osasunaren gainean
jardun genduan, meditazioak berak gizartean izan ditzakeen ondorixuen inguruan
eta baita norberaren osasuna kudeatzeko bestelako forma ez tradizionalen
inguruan be. Batenbatek esan zeban
bezela, “osasuna gauza garrantzitsua da madikuen eskutan lagatzeko!”. Osasuna
zaintzen jarraitu asmotan, afaltoki beganuak hartu zeban bere tartia
mahainguruan ostian. Afari goxo goxua egon zan bertaratutakuendako! Arroza,
berdurak tenpuran, falafela, seitana…
Bestetik, kultur kontsumoan inguruan jardun genduan hainbat herritarrek.
Hausnarketa interesgarri asko urten ziran bertatik; alde batetik kultur
ekintzek eskatzen dittuzten baldintzen inguruan, bestetik soraluzetarrok
kultura nola kontsumitzen dugun, adibidez, antolatzailearen arabera publikoa
bat edo beste bat izaten dela konturatu ginan. Azkenik, kultur mailan mugitzen
garen eragilion arteko komunikazioa hobetzeko premia ere ikusten da.
Musika eta poesiak be euki
zeben beren tartia abenduaren 29an Erisdysnomia plaentxiarren eta Hanka Hutsik
elgoibartarren eskutik. Bertaratutakoak
zoragarri egon ginan musika eta poesia artean dantzan, bueno, Plaentxin ez
daukagu dantzarako ohitura haundirik, baina oso gustora izan ginan.
Azken urtietan bezela, bertsuek
be euki zeben protagonismorik Oihana Bartra eta Miren Amurizan laguntzakin;
jokutik jokura eta bertsotik bertsora arratsalde entretenidua izan zan.
Gainera, gosian kontrako sendagarri bezela merienda goxuaz disfrutau genduan.
Bukatzeko, umien tartia,
Kukumixokin elkarlanian, haurrentzat aisialdi eskeintza antolatu genduan, haur
pila batu zan eskulanak ein, jolastu… herri honetan bada etorkizunik!
Besterik barik, Soraluzeko
Gazteriak ekintzak antolatzen jarraituko dogu, barixaku honetan bertan,
urtarrilaren 10ean Junzai Txetxera soraluzetarren azken kontzertua izango da
eta Skasti talde zarauztarra izango du alboan.
Interesik izan ezkero, hurrengo
asanblea hilaren 20an izango da arratsaldeko 5etan gaztetxian bertan.
Animo eta parte hartu!
Soraluzeko Gazteria
2014ko Urtarrila