Pentsiodunentzat 50 eurotako bonolaguntzak banatzen dihardute udalak eta Bizikalek elkarlanean

plaentxia_com 2013ko abe. 12a, 08:00
Deskargatu Info Ahotsak :
es en fr

Abenduaren 1az geroztik pentsiodunentzat herriko dendetan kontsumitzeko 50 euroko bonolaguntzak banatzen dihardute udalak eta Bizikale Merkatari Elkarteak, elkarlanean. Asmoa “krisi egoera elkarrekin gainditu eta pentsiodunen oinarrizko beharrak asetzea” da. Bonoa eskatzeko Soraluzen bizi direla eta diru-sarrera minimoak dituztela egiaztatu beharko dute eta eskaria, udaleko Gizarte Zerbitzuetan egin behar da abenduaren 30a baino lehen. 

 

 

ZENBATEKOA

50 eurotako bono bat, herriko edozein merkatal gunetan erabiltzeko, abenduan zehar.

ESKAERA

Abenduaren 1etik 30era, udaleko Gizarte Zerbitzuetan.

Pentsiodunek Soraluzen bizi direla egiaztatu beharko dute, baita bizileku berean erroldatuta dauden kide guztien diru-sarrerek ez dituztela zenbateko hauek gainditzen:

Pertsona bat: 800 euro hileko

Bi pertsona: 1000 euro hileko

Hiru pertsona edo gehiago: 1.100 euro hileko

KOBRATZEA

Gizarte Zerbitzuek aztertuko dute eskaera, eta hala badagokio pentsiodunari jakinaraziko diote onarpena. Onarpena jasota, pentsiodunak abenduaren 1etik 31ra bitartean herriko edozein merkatal gunetan egindako gastua erabili ahal izango du justifikazio moduan. Soraluzeko merkatal guneetan, 50 euroko gehienezko batez egindako erosketen egiaztagiria aurkeztu beharko du Gizarte Zerbitzuetan.