Debegesak
antolatuta, “Euskadi Basque Country. Nola
ikusten gaituzte? Entzun dezagun merkatu turistikoa” izenburupean turismo jardunaldiak egingo dira
bihar, urriak 30, Elgoibarko Musika Eskolan. Jardunaldien irekieran parte
hartuko dute Elgoibarko Alkate Alfredo Etxeberriak, Debegesako Presidente
Joseba Palenzuelak eta Gipuzkoako Foru Aldundiko Berrikuntza, Landa Garapen eta
Turismoko diputatu Jon Peli Uriguenek. Hizlarien artean Kantabriako unibertsitateko Merkaturatze
eta Merkatu-ikerketan katedraduna, El Pais egunkariko El Viajero saileko arduraduna eta Juan Antonio
Llantada Palmako Turismo Patronatuko arduradunak daude.
Euskal Herriari buruzko ikuspegia lantzen
Adituok
helmuga turistikoek daukaten irudiaren
garrantziaz arituko dira, bereziki, geurera ekarriz, Euskadi-Basque Country
kanpotik nola ikusten den izango dute hizpide. Jardunaldien baitan,
hainbat galderaren aurrean erantzunak bilatzen ahaleginduko dira, hala nola,
gure helmuga turistikoa bat al dator gure irudiarekin? Transmititzen dugun
irudia ezagutzen dugu, kontrolpean dugu? Turistei entzuten al diegu?
Merkatuaren iritzia kontuan hartzen ditugu?
Egitaraua
09.30
Inaugurazio ofiziala.
_ Alfredo Etxeberria, Elgoibarko alkatea.
_ Hiart Arluziaga, Debegesako
idazkaria eta Soraluzeko alkatea.
_ Jon Peli Uriguen, Gipuzkoako
Foru Aldundiko Berrikuntzako, Landa Garapeneko eta Turismoko
Departamenduko diputatua.
10.00 Helmuga Turistiko baten irudiaren sorrera. Helmuga
turistiko baten hautaketa prozesuaren azterketa. Irudiaren funtzioa
helmuga turistiko baten hautaketa prozesuan.
_ Ignacio A. Rodríguez del Bosque, Merkaturatze eta merkatu-ikerketa
katedraduna. Kantabriako Unibertsitatea.
10.45 Kaferako atsedena.
11.15 Hedabideak-komunikazioa eta Euskadi-Basque Country
bezalako helmuga turistiko baterako turismo politikako tresna gisa duten
funtzio erabakigarria.
_ Andrés Fernández Rubio, El
País-eko El Viajero ataleko burua.
12.00 Bidaiaren erabakitze-prozesua,
inspiraziotik iritzietara.
_ Leire González, DMO Sales Manager ES & PT. Tripadvisor
12.45 Galderak egiteko eta eztabaidarako tartea.
13.30 Bazkaria.
16.00 Palma, estereotipotik Natura Turismoko helmugako
markara. Zer eta nola komunikatu.
_ Juan Antonio Llantada, Marketing Consultant. Palmako
Turismo Patronatua.
16.45 Bateratzea eta jardunaldiaren ondorioak
17.30 Jardunaldiaren amaiera.
_ Juan Angel Balbás, Debegesako
gerentea.
_ Roke Akizu, Gipuzkoako Foru
Aldundiko Turismo zuzendaria.
_ Mertxe Garmendia, Eusko Jaurlaritzako Turismo zuzendaria.
Izen ematea: www.debabarrenaturismo.com
webgunean