Kontrargiko argazkilarien lanak ikusgai urriaren azkenera arte

plaentxia_com 2013ko urr. 15a, 13:20
Gaur hasi eta urriaren 31a bitartean Kontrargi Argazki Kolektiboko kideek aurtengo urtean zehar ateratako 35 instantaneaz osaturiko erakusketa egongo da ikusgai, kirolegiko erakustaretoan. Inaugurazioa 19:00etan izango da, bisita ordutegia berriz: astegunetan, 19:00etatik 20:30era eta zapatuetan 12:00etatik 13:30era. Irudian: Erakusketako argazki bat

 

Gaur inauguratuko dute Kontrargi Argazki Kolektiboko kideek aurtengo urtean zehar atera dituzten argazkiekin osatutako erakusketa. Zehazki, zortzi argazkilariren lanak jarriko dituzte ikusgai: Carlos de Cos, Mikel Valero, Ekaitz Uzin, Fernando Oregi, Isaac Zamakola, Julio Mendikute, Jokin Ruiz Mateos eta Alberto Arizaga. Besteak beste, naturari, kaleko giroari edota paisaiei ateratako 35 argazkirekin osatuko dute urriaren 31 bitartean zabalik izango den erakusketa.

Bisita ordutegia: astegunetan, 19:00etatik 20:30era eta zapatuetan, 12:00etatik 13:30era.