Euskaraz aritzeko ohiturarik ez duten lagunak ohitura dutenekin batzea da Berbalagun programaren asmo nagusia. Astean ordubetez batzen dira, kafetegian, parkean, kiroldegian… euskaraz egin eta mintzapraktika lantzeko. Aurten bereziki, egunerokoan euskararen alde beren alea jartzen duten supermintzalagunak omendu nahi dituzte, arduradunen berbetan, “ahalegin horri esker biziberritzen baita euskara, eta superheroiak bezala, sarri ikusezinak izaten baitira”. Soraluzen, hogeita bost lagunetik gora parte hartu zuten iazko Berbalagun programan eta egitasmoaren koordinatzailea den Arrate Gisasolak adierazi duenez, aurten ere jarraituko dute gehienek.
Hamaika motibo
“Euskaraz hitz
egiteko lotsa galtzea”, “kaleko euskara garatzea”, “hitz egiteko maila
hobetzea”, “titulua lortzea”, “herriko euskal mundura hurbiltzea”, “besteei
praktikatzeko aukera ematea”, “euskara maila mantentzea”, “euskaraz bizitzeko
aukerak ugaritzea”… honek eta gehiago dira izena ematen duten berbalagunen
nahi, behar eta helburuak. Koordinatzailearen berbetan “euskara ikasgeletatik
atera eta kalean, egunerokoan aurki ditzakegun zailtasunei aurre egiteko
tresnak sortzea da programa honen asmo nagusia”. Hortaz, euskara kalean, talde
txikietan praktikatzeko interesa dutenek urriaren 31ra arte dute Berbalagun
programan izena emateko aukera, Pil-pileanean, AEKn edota udaleko euskara
zerbitzuan.
Izena emateko
moduak:
Pil-pilean Euskara Elkartea
943751304
Soraluzeko AEK
943751434
Udaleko Euskara
Zerbitzua
943753043
Ikusi supermintzalagunen bideoa: