Udalak eta AEK euskaltegiak sinatutako akordio bati esker, 2013-2014 ikasturtean euskara ikasi nahi duten guraso, langabe, dendari, ikasle eta jubilatuek matrikula ordaintzeko %100ko dirulaguntza jasoko dute eta langileek %50ekoa, baldin eta errenta-maila jakin batzuetatik behera ez dauden, horiek %100eko laguntza jasoko baitute. Ikasketak herriko euskaltegia ez den beste zentroren batean egiten badira, laguntzok erdira jaitsiko dira. Diru-laguntzak jasotzeko derrigorrezkoa da %80ko asistentzia, ikastaroa bukatzea eta gutxieneko aprobetxamendua izatea.
Eskaintza oparoa
Euskara ikasi nahi duten ikasleen kopurua
handitu asmoz, iazko eskaintzari on-line bitartez egin daitezkeen ikastaroak gehituko
zaizkie, hamalau guztira:
Euskalduntze orokorra (aurrez-aurrekoa edo autoikaskuntza)
Xede bereziko ikastaroak (aurrez aurrekoa)
-1./2./3. Maila (EGA)
-Hizkuntza eskakizunak: IVAP, IRALE
eta OSAKIDETZA
On-line:
-H-100 (Euskaltzaindiaren arauak)
-H-501 (Testugintza)
-3. eta 4. maila
-EGA lantzeko zerbitzu osagarriak
-Administrazio idazkiak
-Eskatzailearen neurriko ikastaroen
diseinua
-Glotodidaktika
Ordutegi malgua
Ordutegiei dagokienez, eskaintza
ahalik eta malguena plazaratzen ahaleginduko direla adierazi dute arduradunek. Soraluzen
taldeak sortzen haste aldera, martitzen, eguazten eta eguenetarako zehaztu
dituzte eskolak: goizez, 09:00etatik 11:30era, arratsaldez 14:30etik 17:00ra
eta gauez 18:45etik 21:00ra. Urriaren 1ean emango diote hasiera ikasturte
berriari eta interesatuek, irailaren 27a baino lehen eman beharko dute izena
Baltegieta kalean dagoen bulegoan edo 943 751434 telefonora deituta.
Informazio gehiago: 943 741434 edo soraluze@aek.org