2013-2014 denboraldia prestatzeko lanetan buru-belarri murgildu dira Preferenteko jokalariak. Abuztuaren 12an ekin zioten aurredenboraldia prestatzeari eta dagoeneko lagunarteko bi norgehiagoka jokatu dituzte; Bergararen kontra bata (1-0 galdu) eta Aloña Mendiren zelaian bestea (2-2). Gaur 19:00etan Antzuolan neurtuko dituzte indarrak, bertako taldearen kontra.
Entrenatzaile
berria eta espektatiba onak
Iñaki Garciak Mikel Juaristi azkoitiarrari pasatu dio Sorako hamaikakoa entrenatzeko ardura eta bera izango da denboraldi honetan Prefereneteen entrenatzaile berria. Jabi Isturiz Klubeko Kirol Arduradunak indartsu ikusten du taldea eta espektatiba onak dituztela azaldu du: “Iazko mailari heldu nahi diogu eta ahal bada hobetu. Aurredenboraldian Preferenteak talde indartsua duela erakutsi du, lan asko egiten ari dira eta Liga hasteko deseatzen daude”.
Egutegia
zehaztu gabe
Gainontzeko
taldeek zehaztu gabe dute oraindik zein egutegi izango duten, hala ere,
Erregionala lanean da denboraldia prestatzen. Taldea, Jorge Saroberen
gidaritzapean egongo da aurten ere. Jubenilei Ander de Luisek entrenatuko die ,
Mutilen Kadete Taldea Aimar Bengoak gidatuko du eta Nesken Kadeteena Cristina
Jacasek. Talde guztien aurkepena hilaren 14an edo 21ean izango dela aurreratu
du zuzendaritzak, Ezoziko futbol zelaian.