ERREGIONAL PREFERENETEAK hiru puntuak
eskuratu zituen zapatuan, Beasaini 3-1 garaitu eta gero. Sora zazpigarrena da
sailkapenean, 32 puntu batuta. Hurrengo lehia Antzuolarren aurka jokatu beharko
dute, partidu gogorra izango da seguru, Antzola taldeko liderra da 43
punturekin.
Kopako ligan berdinketa garrantzitsua
lortu zuten ERREGIONALEK, 1-1 berdindu zuten taldeko liderra den Eibartarrak
taldearen aurka. Ikasberriren kontra lehiatuko dira asteburuan. Talde
azpeitiarra ondo kokatuta dago sailkapenean, 8 punturekin hirugarrena da
zerrendan. Sora bi postu beherago dago, 5 punturekin taldeko bosgarrena da.
Kopako azken jardunaldia ondo joan da
JUBENILENTZAT ere. Eibartarrak “B” 3-0 garaitu eta gero, sailkapenean
laugarrenak dira 7 punturekin. Unben jokatuko dute datorren asteburuan
jardunaldi honetako itzulia. Eibartarrak “B” bosgarrena da zerrendan, 6 puntu
batuta.
KADETE MUTILAK sailkapeneko behekaldetik
irten ezinda daude. Azken lehia galdu egin dute, Ikasberriren aurka (2-1).
Datorren asteburuan, gainera, ez dute partida erreza izango; taldeko lidertzan
dagoen Zestoa hartuko dute Ezozin. Sora 3 punturekin azkenurrena da zerrendan.
KADETEEN NESKEN TALDEARENTZAT ez da
batere asteburu gozoa izan. Vasconiaren zelaian jokatu zuten eta 4-0 galduta,
esku hutsik itzuli ziren etxera. Momentuz azkenak dira zerrendan, 0 punturekin.
Datorren asteburuan Santo Tomas Luberri hartuko dute Ezozin.
Andreu
eta Aldapek Finalerdietarako pasea lortu dute
Barixakuan Azpeitiko ordezkariei 22-19
irabazi eta gero, Euskal Herriko Ligako ligaxkan finalerdiak jokatzeko pasea
lortu dute Andreuk eta Aldapek. Datorren barixakuan (martxoak 1) Maeztun
jokatuko dute lehen norgehiagoka, iluntzeko 19:30ean bertako ordezkarien
kontra. Santamaria eta Kortabarria Jubenil mailako bikoteak 22-2 galdu zuen
Zegamako ordezkarien kontra. Denboraleagatik, Infantil eta Alebinen mailako
norgehiagokak bertan behera laga zituzten.