{mosimage}Erregional Preferenteak azken jardunaldia Beasainen jokatu du, 0-1, Sora garaile. Hurrengo aurkaria Antzuola izango da, sailkapenean lehen postuan daude 14 punturekin. Sorakoek 12 dituzte.
{mosimage}Bi berdinketa eta porrota izan zituen jarraian “B” Erregional taldeak ligako lehen norgehiagoketan. Erregionaleko jokalariek deskantsua izan zuten aurreko asteburuan eta zapatuan, indarberrituta, 0-1 irabazi zuten Urki taldearen aurka. Aretxabaletak hartu du sailkapeneko lehen postua, 15 punturekin. 5 puntu ditu Sorak, seigarrena da sailkapenean.
{mosimage}Jubenilak esku hutsik itzuli ziren etxera, 2-1 galduta Eibartarrak taldearen aurrean. 3 punturekin seigarrenak dira sailkapenean. Urki dago lehen postuan 15 puntu batuta. Datorren jardunaldian, sailkapenean azken postuan dagoen Arizmendi taldea hartuko dute Ezoziko zelaian.
{mosimage}Garaipen ikusgarria lortu du Sorako mutilen Infantil taldeak. Arizmendi taldekoak hartu zituzten Ezozin eta 17-1 irabazi zieten. Ondo kokatuta dago Sora, sailkapenean bigarren da 6 punturekin. San Patricio dago lehen postuan, 6 puntura berdinduta. Internacional taldea izango dute aurkari datorren asteburuan.
{mosimage}Emakumezkoetan Infantilentzat ez da batera asteburu gozoa izan. Dirudienez, etxean jokatzeak ez zien askorik lagundu eta 1-3 galdu zuten Zarautz, taldeko liderraren aurka. Sorako neskak seigarrenak dira sailkapenean, puntu bakarrarekin. Amaikak Bat taldea hartuko dute datorren jardunaldian, Ezozin.
Datorren asteburuko norgehiagokak:
Antzuola – Sora (Erreg. Pref.)
Sora (Erreg. B) – Arizmendi
Sora (Jub.) – Arizmendi
Urki – Sora (Kad.)
Internacional – Sora (Inf. Mutl.)
Sora (Inf. Nesk.) – Amaikak Bat
Soraluzeko Pelota Kluba martxa onean da
Gorka Santamaria eta Ibai Kortabarria Jubenil mailako pelotariek Lezoko bikotearen aurka neurtu zituzten indarrak eta bai ondo neurtu ere, 22-4 bukatu zen norgehiagoka, soraluzetarren alde. Banakakoan Nagusien mailan, Oier Epeldek ordezkatu zuen Soraluzeko pilota kluba eta partida borrokatuaren ostean, 22-8 garaitu zuen Zubizarreta pilotaria Eskoriatzako frontoian. Atxotegik eta Aldapek ez zuten zorte berdina izan eta binakakoan 10-22 galdu zuten Tolosan, Urbieta eta Telletxea bikotearen aurka.
Gipuzkoako Txapelketako datorren asteburuko partidak Arane kiroldegian jokatuko dituzte.
Asteburuko emaitzak
Santamaria – Kortaberria 22
Lezoko bikotea 4
Epelde 22
Zubizarreta 8
Atxotegi – Aldape 10
Urbieta – Telletxea 22