Soraluzek enplegu-mahai propioa izango du bailarako planean

plaentxia_com 2012ko urr. 18a, 16:24

Debabarreneko herrietan dagoen langabeziaren arazoari aurre egiteko asmoz bailara mailako Enplegu Plana jarri du martxan Debegesak. Eibar, Elgoibar, Mendaro, Soraluze, Deba eta Mutrikuko udalek parte hartuko dute planean. Soraluzek bere enplegu-mahai propioa izango du. Irudia: Urrian herriko enpresen ordezkariekin egindako bilera.

Gainerako herriek baino langabezi-tasa handiagoa izan eta udalak hala izan dadin proposatu duelako izango du Soraluzek bere enplegu-mahai propioa.

Urriaren 5ean egin zuten lehenengo bilera herrian industria arloko enpresen ordezkariekin eta urriaren 24an, 18:30etan udaletxean, enplegu-mahaiaren bilera egingo dute herriko hainbat eragilerekin. Bileran kezkak eta ekarpenak jaso nahi dituzte Enplegu Planean planteatuko diren ildoetan integratu ahal izateko.

Ordainketa-etena GOLen

GOL enpresako langileek eguaztenean jakin zuten ALFA talde osoan ordainketa-etena izango dela hilabete honetatik aurrera. Langileak oso kezkatuta daude enpresak etorkizunean hartu ditzakeen bidearekin.