{mosimage}Deba ibaia garbitzeko II. ekimena burutu zen domekan. Goizeko 10:30ean hogeita bost laguneko boluntario taldea Kontzejupean batu eta taldeetan banatuta, denetarik atera zuen ibaiaren hondotik: plastikozko botila eta bilgarriak, lata eta burdin pusketak, egur zatiak, pilak edota alfonbra bat esaterako. Finean, herritarrok ibaira botatzen ditugun hondakinak dira ibaia kutsatzen dutenak. Garbiketa-saio hauek ibaian pilatzen diren hondakinen inguruko sentsibilizazioa egin eta ingurumena zaintzearen garrantziaz ohartaraztea dute helburu.
Herritarren arteko auzolanaz, ibaiak duen natur balioaz jabetzeko aukera eskaini nahi izan du Deba ibaia garbitzeko bigarren ekimen honek. Debegesak eta ibaia garbitu zuen boluntario taldeak, soraluzetarrei, herriko natur balioak konpromisoz zaindu eta arduraz jokatzeko eskaera egin nahi diete.
Deba ibaia garbitzeko hurrengo deialdiak:
Urriaren 20an Elgoibarren
Azaroaren 10ean Mutrikun
Izen-ematea: Debegesan (943 820110) edo riodeba@debegesa.com helbidean