Iñaki Ruiz oroitzeko mendi lasterketa antolatu dute uztailaren 8rako. 21 kilometroko lasterketak 1000 metroko desnibel positiboa izango du lasterketak, San Andresen hasi eta Pagobedeinkatu, Atxantxabola, Pol Pol, Irukurutzera, Atxolin, Karakate, Legarda eta Mendotzen amaitzeko.
Izen ematea doakoa izango da eta egunean bertan egingo da goizeko 8.30 eta 9.15 bitartean.
Ruizi omenaldia egin diote Gorbeian
Gasteizko "Zortzitakoak" korrika taldeak, Miru Gain Otxandixoko mendi taldeak eta Otxandioko lagun taldeak Iñaki Ruiz omendu zuten Gorbeian.
Erronka gogoangarria egindakoa. Hainbat taldetan egin zuten tontorrera bidea. Ausartenak, goizeko 2.30ean irten ziren Soraluzetik eta Gorbeara korrika iritsi ziren.
Gainontzekoak Gasteiztik korrika egin zuten mendi puntarako bidea, beste batzuk Muruan elkartu ziren lehen taldearekin km 1 aurreratzeko, eta beste taldeak 9.15ean ekin zion Barazarreko ostaturik Saldropotik gora.
Eguerdiko 12.00etan denak tontorreko gurutzean elkartu eta omenaldi txikia egin zioten txistuaz "ikusi mendizaleak" abestuz.