Erregional Preferenteak garaipena lortu du Antzuolaren aurka (1-0). Hiru puntuek bosgarren postuan jarri du taldea, 38 punturekin. Idiazabalen aurka izango du hurrengo lehia, zapatu honetan.
Kopa jokatzen diharduen Erregionalen bigarren taldeak ez du zori bera izan. Irauliren zelaian 4-1 amaitu zuten norgehiagoka, eta eurekiko aldea haunditzen ari da sailkapeneko liderra.
Iraulik 24 puntu ditu, Ontzerrik 20 eta Sorakoek 17. Asteburu hontako aurkaria Trintxerpe-Azkuene "B" izango dute, haien zelaian.
Jubenilek sailkapeneko behekaldetik irten ezinda daude. Azken lehia galdu egin dute, Vasconiaren aurka (2-1). Kadeteek ostera, kanpoan jokatu eta hiru puntuekin etorri dira etxera. Aloñamendi "B"ri, 0-2 irabazi die eta sailkapenean hirugarren daude.
Infantilek Zumaiako bigarren taldea hartu dute Ezozin. Lehen taldeari irabazi bazioten ere, beste hauekin ezin izan dute eta 2-6 galdu dute. Kadeteek moduan, Arizmendiko taldearen aurka neurtu beharko dute.
Datozen neurketak
Preferentea-Idiazabal
"B" Erregionala-Trintxerpe-Azkuene "B"
Jubenilak-Behobia
Arizmendi-Kadeteak
Infantilak-Arizmendi