Infantilek Kopako lehen garaipena
eskuratu zuten zapatuan, Bergararen zelaian. Yerimarren hiru golek eman
zioten garaipena taldeari, Bergararren gol baten aurrean (1-3).
Berraondo entrenatzaileak eta taldeak berak, pozik hartu dute
garaipena. Hurrengo lehia Zumaiaren aurka jokatu beharko dute, talde
berria plaentxiarrentzat.
Kopako azken jardunaldia ondo joan da "B" Erregionalarentzat ere. Ezozin Beti Ona "B" 4-2 garaitu eta gero, sailkapenean bigarrenak dira 17 punturekin. Asoleus donostiarren aurka lehiatu beharko dute asteburu honetan, bi postu beherago daude, 14 punturekin.
Preferenteak berdinketarekin joan ziren Amaikak Baten aurkako partidutik (2-2). Mutriku izanen dute aurkari, plaentxiarren azpian daude sailkapenean, 13 puntu dituzte, Preferenteak 17.
Igoera fasea jokatzen diharduten Jubenilak askogatik galdu zuten Urolaren kontra (0-5). Euren alde esan, taldeko lehenak dela Urola, hurrengo neurketa Martuteneren aurka izango dute, 10 puntu dituzte donostiarrek, Sorako Jubenilak beste, beraz, lehia estua izan daiteke zapatukoa.
Kopako ligan berdinketa eskuratu zuten Sorako Kadeteek, Bergararen aurka 2-2 amaitu zen partidua. Antzuolaren aurka lehiatuko dira zapatu honetan. Antzuolak partidu bakarra irabazi du Kopan.