"2012ko Soratustietako pregoia emateko
pertsonaia bereziak edukiko ditugu". Horixe baino ez digute aurreratu
Kukumixoko lagunek. Beraz, adi egon beharko dugu, zapatu aratsaldeko
18.30ean nor azalduko udaletxeko balkoian!!!
Dena
dela, festa giroa eguerdi aldean hasiko da herrian. Eguerdiko 13.00ean
musika eskolako trikitilarien eta buruhaundien kalejira egingo da
herrian zehar.
Baserri zirkurako txartelik bai?
Arratsaldeko 17.00etan Kukumixok umeentzako
jolas oso originala prestatu dute: "Baserri zirkua ekarriko dugu Plaza
Zaharrera! Bere artalde eta artzain xelebreekin batera etorriko da eta
jolas oso bereziak proposatuko dituzte. Barre asko egingo dugu eta geure
gorputzak baliatuko ditugu horretarako". Ez dute zehaztasun gehiago
eman, "misterioa mantentzeko"!.
Pregoiaren
atzetik mozorro desfilea egingo dute herrian zehar, Zubi Nagusitik
irtengo da txarangak giroturik. Aratosteetako dantzen erakustaldia eta
gero, "Erlaxi" taldearen dantzaldia izango da Plaza Zaharrean.
Zapatu gauean bertso saioa antolatu dute Arrano tabernan, Hodei Iruretagoiena eta Oier Aizpuruarekin. Txartelak Arranon eskuratu daitezke.
Play-back lehiaketan izen ematea bihar arte zabalik
Aratusteetako
martitzena play-back lehiaketaren eguna izaten da, besteak beste.
Umeen
lehiaketa frontoian izango da, arratsaldeko 18.00tan. Bestetik, Jon Urbieta DJ
zumaiarrak musika "pintxatuko" du Plaza Zaharrean 19.00etan lehenengo,
txokolatadaren ostean eta helduentzako play back lehiaketaren ostean
azkenik.
Play back
lehiaketako izenematea bihar itxiko da. Aurkezteko asmoa duenak
lehenbailehen jo dezala udaletxera, edo 943 75 30 43 telefonora deitu.
Animatu zaitezte eta hartu parte lehiaketan!!!
Bidali aratusteetako zure argazkia, aldizkarian ager dadin!!!
Pil-Pilean
aldizkariko 260. aleko bi orrialde beteko ditugu aratosteetako
argazkiekin. Beraz, atera argazki bat banaka, binaka, taldean, ... dena
delako modura, eta bidali helbide hauetako batera. Plaentxia.com-eko
MEDIATEKAn eta aldizkarian agertuko zarete!!!!
ESKERRIK ASKO!!!
aldizkaria@pilpilean.com
plaentxia@pilpilean.com
edo Errabal 15eko Pil-Pileaneko bulegora ekarri!
2012ko SORATUSTIAK
Otsailak 18, zapatua
*12.30ean,Trikitilari eta buruhaundiak kalez kale.
*17.00etan, Plaza Zaharrean. Haurrentzako jolasak.
*18.30ean, udaletxean. Aratosteetako pregoia.
*18.30ean, Zubi Nagusitik. Mozorroen desfilea.
*19.30ean, Plaza Zaharrean. Dantza erakustaldia.
*20.00etan eta 23.00etan Plaza Zaharrean. Dantzaldia "Erlaxi" taldearekin.
*21.30ean Bertso afaria. Hodei Iruretagoiena eta Oier Aizpurua zarauztarrekin, Arranon.
{mosimage}
Otsailak 21, martitzena
*18.00etan, frontoian. Haurrentzako play-back lehiaketa.
*19.00etan, Plaza Zaharrean. Musika saioa DJ Jon Urbietarekin.
*Plaza Zaharrean. Txokolatada, 19.30ean.
*22.30ean Plaza Zaharrean. Musika saioa DJ Jon Urbietarekin.
*23.30ean Plaza Zaharrean. Helduentzako play-back lehiaketa.
*00.00etan, Plaza Zaharrean. Musika saioa Dj Jon Urbietarekin.