Atzoko Udalbatzarrean
merkatu plazako ordenantza erregulatzailea behin betiko onartuta
geratu zen, Gobernu Taldearen eta EAJren aldeko 9 boturekin eta
PSE-EEren abstentzioarekin. Alderdi sozialistak bost alegazio
aurkeztu zituen, puntuz-puntu bozkatu ziren.
PSE-EE Udal taldearen mozioa
haur jaioberrien bidegabeko jabetzari eta arauz kontrako adopzioei
buruzkoa, aho batez onartu zuten.
{mosimage}
EAJ eta PSE-EE bosgarren
edukiontziaren alde
Zaborren kudeaketari buruzko
lau puntuko mozioa, EAJk eta PSE-EEk elkarrekin aurkeztutakoa ere
onartu egin zuten. Bi alderdiek bosgarren edukiontziaren aldeko
jarrera argia agertu zuten. Jeltzaleek atez-ateko sistema “askoz
ere garestiagoa” dela esan zuten.
{mosimage}
Sozialistek ere kontrako jarrera
azladu duten, atez-atekoa “zikina” eta “kutsakorragoa” dela
eta hainbat elikagairen kontsumoa mugatzen duela. Gobernu Taldeak
erantzun zuen ezin dela esan garestiagoa izango denik azterketa bat
egin gabe eta bere helburua zaborra kudeatzeko beste aukera batzuk
aztertzea dela.
Bilduk Kutxabanken gainean
aurkeztutako mozioa onartu egin zen, sozialistek eta gobernu taldeak
alde bozkatu zuten. EAJk kontra bozkatu zuen udaletik gaineko gaia
dela argudiatuz.
Irure
auzokoak euren haserrea agertu dute
Irure auzoko bizilagunak eta
Unamuno enpresako ordezkariak saio aretora hurbildu ziren azken hiru
hilabeteetan bizi dituzten kezka eta haserrea transmititzera. Azaroko
luiziak eragindako kalteak konpontzeko lanak geldi daudela eta kontua
oraindik ez dela behar moduan ebatzi salatu zuten: “Inork ez digu
erantzun argi bat ematen, ez Bidegik ez eta aseguruek eta
desesperatzen hasi gara, hiru hilabete daramatzagu zain”.
Harkaitz bat kolokan
Aipatu zuten halaber kolokan
dagoen harkaitz batek bidera jausteko arriskua duela eta zerbait
larria gertatu aurretik lanen erantzuleak bilatu behar direla.
Gainera, azken asteetako euriekin lurrek etengabe bidea hartzen diela
esan zuten. Unamuno enpresako ordezkariak ere gogorarazi zien
eraikinaren zati bat oraindik prezintatuta dutela, ezin erabilita eta
lanek enpresako inguruetan kalte materialak eragin dizkiela.
Arluziagak bat egiten zuen euren kezkarekin. Argitu zien
Aldundiarekin ipini dela harremanetan baina oraindik ez duela
erantzunik jaso.