Sailkapeneko lidertza berreskuratu nahian hor dabiltza "A" Erregionaleko mutilak. Azken jardunaldiaren ostetik, apur bat hurbilago dute lehen postua: Zestoaren aurka 2-1 gailendu ziren plaentxiarrak eta hiru punturekin, Lagun Onak-engandik sei puntura daude.
Zestoa "B"ren zelaian izan ziren, Kopa jokatzen, "B" Erregionaleko jokalariak. Hutsna amaituta, ez zuten punturik banatu. Aretxabaleta "C" sailkapeneko buruan dago, 9 punturekin. Sorako Erregionalak berriz, bosgarren, 5 punturekin.
Sorako Jubenilek hiru puntuak eskuratu zituzten 1-0 Hernani "B"ri irabazi eta gero. Hamarretik 9.ak dira Igoera Faseko lehiaketan. Lau partidutik, hiru galdu dituzte eta azken hau bakarrik irabazi.
Kopa jokatzen dihardute halaber, Sorako Kadeteek. Eta ez dabiltza batere gaizki. Azken neurketa Arizmendiren aurka 3-2 irabazi dute eta sailkapenean 5.ak dira, 6 puntu batuta. Hiru partidutatik bi irabazi dituzte.
Emakumeetan Infantilak Bergara hartu zuen Ezozin, 2-3, kanpokoentzat izan ziren puntuak. Duela bi jardunaldi eskuratutako garaipena errepikatu beharrean daude neskak, hiru puntu soil baitituzte.
Datozen partiduak: 12/02/04
Intxaurre-Erregional Preferentea
"B" Erregionala - Gazteak
Burumendi - Jubenila
Arrasate "B" - Kadeteak
Urki - Infantila