Zinegotzien irabaziak %25ean murriztea eta langileenak izoztea adostu dute

plaentxia_com 2012ko urt. 19a, 12:37
Deskargatu Info Ahotsak :

Zinegotzien irabaziak %25ean murriztea aho batez onartu zuten atzoko Udalbatzarrean. Udaletxeko langileenak bere horretan uztearen alde bozkatu zuen Gobernu Taldeak eta oposizioa abstenitu egin zen. Irakurri albistea:

 
 
 
 
 
 
Iluntzeko 19.10ak inguru zirenean hasi zen atzo Udalbatzarra, Roke Akizu eta Iker Aldazabal zinegotziak falta zirela. Lehen puntuan, zinegotzien irabaziak %25ean murrizteko egindako proposamenarekin ados etorri ziren denak. Aho batez (aldeko 9 boturekin) onartu zuten lehen puntua.
 
Zabalak dio irabazien benetako murrizketa %40 ingurukoa dela
Nagore Zabala jeltzaleak nabarmendu zuen euren lankideek egin moduan, beraiek ere soldatak murrizteko ahalegina egin behar dutela. Azpimarratu zuen, aurreko bost urteetan soldatak bere horretan mantendu direnez, soldaten benetako murrizketa %40tik hurbil dagoela ulertaraztea komeni dela.
 
plenoa2.jpg 
Alderdi sozialistako Soledad del Bosquek galdetu zion alkateari ea zein partidetatik aterako duen soldatak ordaintzeko dirua. Arluziagak erantzun zion hori "ez dutela oraindik kontzertatu".
 
Alkateak gehitu zuen bere taldearen proposamena zinegotzi guztien soldatak %100ean murriztea zela. Baina sasoi hauetan oposizioaren proposamena kontuan hartu behar dela, "adostasunak lortuz eta arduraz jokatuz". 
 
Bigarren puntuari dagokionez, Udal Gobernuko lau bozka eta oposizioaren bost abstentziorekin, udaletxeko langileen soldatak bere horretan uztea onartu zuten. Arluziagak aipatu zuen, neurriok ez direla gustokoak baina egoera hobetzean lehengoratzen saiatuko direla.