Herri babes zabala jaso du Elizburuk

plaentxia_com 2011ko abe. 19a, 12:40
Norbanako, eragile eta alderdi politikoetako ordezkariak Elizburuk jasan duen jazarpen polizialaren aurka agertu ziren atzoko prentsaurrekoan. Agerraldiarekin euren babes guztia eman zioten.
 
 
 
 
 
Duela hilabete inguru agertu bezala, atzo Gotzon Elizburuk agerraldia egin zuen herritar talde andanaren babesean. Ehun lagunetik gora batu ziren Zinean, herritar, eragile zein hainbat alderdi politikoko ordezkariak, Elizburuk jasaten diharduen jazarpen poliziala salatu, eskubide sozial eta politikoak urratzen direla gogorarazi eta denaren gainetik euren "babes guztia helarazi" die.
 
Gehitu zuten, jazarpenak jarraitzen badu, interpelazioa zabaltzeko berriz bilduko direla:
 
"Gaur hemen bildu garenok, konpromisua hartzen dogu jazarpenik ematen bada edo zerbait larrixagua gertatzen bada berehala bilduko garala, interpelaziñua zabaldu eta erantzun bat adosteko". 
 
Tamalez, gertakari hauek ez dira albiste: "Gaztiok beti egon izan gara estatuen jo puntuan bi arrazaoi oso sinplegatik: aldaketarako daukagun gogo eta irudimenagatik eta gure herriaren etorkizuna garelako".
 
Bi urtean ehun gazte atxilotu
Hainbat datu zirraragarri helarazi zituzten atzokoan, esaterako, 2009tik 100 gaztetik gora atxilotu dituztela lan politikoa egitea egotzita. Euren datuen arabera, horietatik 64k gutxienez, inkomunikazio egoeran egon eta torturak jasan dituztela salatu dute.
 
Azken hiru urteetan indar polizialek bestelako "praktikak" ere gauzatu dituela salatu zuten, esaterako, polizak bahituta, mendira eraman eta ordu batzuez kolpe eta mehatxuak jasaten ari zirela galdeketak egin izan dizkietela. Horri telefono bidezko mehatxuak gehitu behar zaizkio edota eguneroko jarraipenak, herrian zein errepideetan.  
 
 
gotzon2.jpgElizburu: "Bizitza pribatua mugatu didate"
Elizbururen kasua horixe da. Aurtengo maiatzaz geroztik egunerokoan hara eta hona jarraitzen zioten kalez jantzitako poliziek, bere eskubideak urratuz:
 
"Nere askatasuna modu larrixan murriztuta sentittu dot. Nere gainian uneoro egotiakin nire lan politikua mugatziaz gain, nere bizitza pribatua be mugatu dabe.
 
Fisikoki ukitu ez banabe be, psikologikoki presiño izugarrixa da uneoro kontrolauta zarela sentitze hori, nahi doten tokira, nahi dotenakin egotera ezin neikela juan pentsatzia, euren begirada burloiak ikustia.
 
Herrittarrongandik jaso doten babesa eta animua eskertzia nahi dot. Zuen laguntzia ezinbestekua da klabe positibuan jardun eta aurrera egiteko