Gaur publiko egin dira errentan
emateko maisuen etxebizitzetako esleipen baldintzak eta 2012ko urtarrilaren 2a bitartean,
maisuen etxeetako sei udal etxebizitzetan eman ahalko da izena.
Etxebizitzak elkarbizitza-unitateentzat izango
dira. Eskatzaileak Soraluzen erroldatuta egon behar dute, diru sarrerak gutxienezko 3.000 euro eta gehienezko
17.066 euro artean egon behar dute. Etxeen kontratuak
berriz, urtebetekoak izango dira eta gehienez, 5 urtera luzatu ahalko dira. Udal bulegoetan jaso daitezke oinarrien paperak.
Hona xehetasun gehiagorekin baldintzak:
Elkarbizitza unitateak, elkarrekin bizi edo biziko diren bi pertsona edo
gehiagok osatutakoak dira, baldin eta ondoko loturaren batek elkartzen
baditu:
-ezkontzak edo antzeko beste harreman-mota iraunkorren batek.
-adopzioak edo odolkidetasunak 4. mailaraino.
-ezkontza-ahaidetasunak 2. mailaraino.
-adiskidetasun arrazoiengatiko elkarbizitza ere elkarbizitz-unitatetzat hartuko da. Gutxienez bi eta gehienez lau pertsonaz osatuko dira.
-familia
ugarien kasuan 6 pertsonaz osatu ahal izango dira gehienez.
Honetaz gain, ondorengo baldintzak bete beharko dituzte eskatzaileek:
- Soraluzeko Biztanleen Udal Erroldan inskribatuta egon behar da, bi urte edo gehiagoz.
- Etxebizitzarik jabetzan ez izatea, azken 5 urtetan gutxienez.
- Elkarbizitza-unitatearen diru-sarrera gordinak, gutxienezko 3.000 euro eta gehienezko 17.066 euro bitartekoak izatea.
- Ondareak ezingo ditu kopuru hauek gainditu: 40.075,20 euro bi pertsonen kasuan eta 44.330,88 euro hiru pertsona edo gehiagoren kasuan. Errenta-kontratua urtebetekoa izango da eta bost urtera arte luzatu ahal izango da gehienez ere.
- Hasierako hileko errenta, elkarbizitza-unitateko kide guztien diru-sarreren %15eko izango da. Era berean, errenta urtero berraztertuko da, bai eta errentarien egoera ekonomikoa ere.
- Baldintzak betetzen direla egiaztatzeko, udal bulegoetan eskura daitezkeen oinarrien I. Eranskinean adierazitako agiriak aurkeztu beharko dira eskabidearekin batera.