"Euskara elkartetik euskaldunon elkartera" jauzia,
Pil-Pilean Euskara Elkarteak 15 urte bete ditu eta horixe ipini du
hurrengo urteetarako helburutzat. Urte asko joan dira hastapenetatik eta urteurrenek eskatzen duten gogoetarako abagunea probestuz,
zapatu honetan, abenduaren 17a, "Batu Sutondora!" jardunaldiak antolatu
ditu elkarteak.
Jardunaldiok norabide berri bati ekiteko gogoz
hizkuntzarenganako sentiberatasun berezidun herritarrak hausnarketara
gonbidatu nahi dute. Atzera begirakoa egiteaz gain, etorkizunean zer
nahi dugun edo espero dugunaren gainean gogoeta elkarren artean egiteko.
Hainbat galderari erantzuna bilatuko diete: Zela
bizi dugu bakoitzak gure euskalduntasuna? Zela dago euskaldunon
mugimendua herrian? Zer egin dugu aurreko hamarkadetan? Zelakoa da
egoera dihardugun arloan? Zer bide hartu behar dugu etorkizunean?
Gogoeta, bazkaria eta kantua, egun berean
Goizeko 10.30ean hasiko dira jardunaldiak: "Pil-Pilean
Euskara elkartetik euskaldunon elkarte izatera" gogoeta hizpide
hartuta. Ostean hizkuntza ekologiaren gainean zabalduko dute eztabaida.
Jarraian, poteotxoa eta ostetik, kantu-bazkaria ere antolatu dugu
Allegro Elkartean, herriko musikari eta kantariek lagunduta. Bazkarira
etorri nahi duenak aurrez egin beharko du bazkariko ordainketa kontu
hauetako batean, izen-abizenak zehaztuz. Euskadiko kutxa: 3035 0004 90 0040015550 edo Kutxa: 2101 0062 13 0123185746
BATU SUTONDORA JARDUNALDIAK
10.30ean "Pil-Pilean Euskara elkartetik euskaldunon elkarte izatera" gogoeta hizpide.
12.15ean Hitzaldia hizkuntza ekologiaz.
13.00ean Amaierako agurra.
13.15ean poteoa herrian zehar.
14.30ean KANTU-BAZKARIA herriko musikari eta kantariek lagunduta. *Menua: Txurrukan prestatutako arrain zopa, kroketak,
legatz frijitua, almondrongilak eta postrea. Kafea eta kopa barne.
Prezioa 20 euro.