Fernando Oregi Kontrargiren Rallyko txapeldun

plaentxia_com 2011ko abe. 7a, 12:40
Beste sarituak Carlos de Cos, Idoia Zearreta zumaiarra eta Mikel Valero izan dira. Sari banaketa datorren abenduaren 17an izango da kiroldegiko erakustaretoan."Txikiteoa" gaiari  Oregik egindako argazki honek jaso ditu puntu gehien.


 
 
 
 
 
 
Epaimahaiaren iritziz azaroko rally digitaleko argazkilari onena Oregi izan da. Argazkiek sei gai jorratu behar zituzten eta Oregik aurkeztutakoen artean “txikiteoa” gaiak jaso ditu puntu gehien: bi emakume haurdun eta txikiteoan ageri dira. Bigarren saria eta 80 euroak Carlos de Cosentzat izan dira. Hirugarren sariko 60 euroak berriz, kanpora joan dira, Idoia Zearreta zumaiarrak irabazi ditu. Azkenik, herriko sariko 60 euroak Mikel Valerok jaso ditu.
 
Epaimahaia Carlos Mediavilla, Iosu Perez eta Juan Manuel Berruetak osatu dute eta txapelketako maila ona azpimarratu dute.
 
Rally anitza
Hogeita bederatzi lagunen artean hamar plaentxiatar ibili ziren argazkiak ateratzen. Baina horiez gain, Urretxu, Zaldibar, Eibar, Zumaia, Azpeitia, Azkoitia, Donostia eta Bergarako partehartzaileak izan ziren rally digitalean.
 
Sari banaketa datorren abenduaren 17an izango da kiroldegiko erakustaretoan.