Soraluze eta Bergara lotzen dituen Antxintxika krosaren zazpigarren edizioa etzi, azaroaren 5ean, jokatuko da. Lasterketan izena emateko epea gaur amaitzen da, beraz, interesatuek jo dezatela lehenbailehen www.kirolprobak.com helbidera.
Parte hartzeko baldintza bakarra 16 urtetik gorakoa izatea da.
Patinen gainean ere bai!
Aurten patinen gainean ere egin ahalko dira 10 kilometroak. Estaziño kaletik abiatuko da eta irteten lehenak gurpildun aulkian doazenak izango dira, arratsaldeko 16.30ean. Hauen atzetik patinen gainean doazenak, 16.50ean eta azken lekuan korrikalariak, arratsaldeko 17.00etan. Froga Bergarako San Martin Plazan amaituko da.