Futbol asteburua bikain joan da Soraluze FTko
taldeentzat. Erregional Preferenteak 3-1 irabazi zion Mutrikuri. Lider
jarraitzen du 18 punturekin; atzetik Lagun Onak eta Antzuola ditu, 15
eta 14 punturekin, hurrenez-hurren.
Gainontzeko taldeentzat 7. jardunaldia izan da azkena. "B" Erregionalak aipamen berezia merezi dute, Mondraren zelaian 0-2 irabaztea lortu zuten. Hurrengo arerioa taldeko liderra, Mutrikuarrak izango da. Sorakoek baino 14 puntu gehiago ditu talde gipuzkoarrak, Sorak berriz, 4 puntu batu ditu oraindaino, Aretxabaleta "C"k beste.
Sorako Jubenilak 2-2 berdindu zuten Arizmendiren zelaian. Hurrengo partidua Bergara "B"ren aurka jokatuko dute. Azken jardunaldiaren ostean 7 puntu dituzte plaentxiarrek, lau talde aurretik eta hiru atzetik. Datorren asteko arerioa Bergarako lehen taldea izango da.
Kadeteak Ezozin jokatu zuen, Arizmendiren aurka 3-2 gailenduz. Hurrengo neurketa Eibartarraken aurka izango da, etxean hau ere.
Datozen partiduak
Antzuola- Erregional Preferentea
Mondragon - "B" Erregionala
Bergara "B" - Jubenila
Kadetea - Eibartarrak