Galdera hauei erantzun dire herriko alderdiek:
1.-Zela hartu dozu ETAren
iragarpenaren notizia?
2.-Komunikatuaren atzetik
ze urrats eman beharko dira?
HIART ARLUZIAGA, Bilduko Soraluzeko alkatea: “Herri-izaera eta erabakitzeko
eskubidea aitortzetik dator konponbidea”
1.-Herri gisa garai historiko
berria abiatzeko unea iritsi dela uste dut.
2.-ETAren erabakiak ez du gure
herrian dagoen gatazka politikoa desagerraraziko. Herri izaeraren eta
erabakitzeko eskubidearen aitortzatik etorriko da konponbidea. Beraz,
ziklo armatuaren amaiera eta gero, behingoz eztabaida politikoari heltzeko
garaia da. Bi
gobernuek ETArekin gatazka politikoa ondorioei heldu behar diote eta
euskal alderdiek arazo politikoari. Bestetik, herriak, irekitako prozesua
bultzatu, babestu eta sostengatu behar du. Bakea, demokrazia eta askatasunera
eramango gaituen itsasontziak herritarren parte hartze eta bultzada
beharrezkoak ditu portu onera iristeko.
IKER ALDAZABAL, EAJ-PNV: “Berradiskidetasunaren
aldeko urratsak eman beharko dira”
1.-Ilusioz, azken aldian pil pilean zegoen notizia zen eta azkenean ere iritsi da, Nahiz eta berandu iritsi. Atzera begiratuz, hainbeste urte ondoren hainbeste
hildako, sufrimendu, espetxeratu ... zer lortu du ETA k bere ekintza armatuekin ?
2.-Herri honen behin betiko bake, normalizazio politiko, sozialaren eta Adiskedetasunaren aldeko urratsak eman beharko dira inplikatuta dauden
agente guztien aldetik, guztien aldetik.
hildako, sufrimendu, espetxeratu ... zer lortu du ETA k bere ekintza armatuekin ?
2.-Herri honen behin betiko bake, normalizazio politiko, sozialaren eta Adiskedetasunaren aldeko urratsak eman beharko dira inplikatuta dauden
agente guztien aldetik, guztien aldetik.
SOLEDAD DEL BOSQUE, PSE-EE:
“Elkarlana eta
errespetuzko elkarbizitza dira gakoak”
1.-ETA ren komunikatua esperantza haundiz jaso dut duen esanahiagatik, baina aldi berean, mesfidati naiz. Izan ere, egiaz, behin-betiko komunikatua bada, zergatik agertu dira burua estatila, herri honek diktadura garaitik jaso dugun albiste onena emateko?
2.-Uste dut elkarrekiko errespetuzko elkarbizitza baten alde lan egin behar dugula. Aurrera begira eta iraganaz sekula ahaztu gabe, gure Herria ETAren biolentziarik gabe ikusiko ez duten biktima horiez ahaztu gabe, ezingo dute bizitzaz eta askatasunaz gozatu horretarako eskubide guztia izan zuten arren,
MIKEL SANTIAGO, EA: “Estatuek
mugitzen hasi behar dute”
1.-Ilusiñoz eta itxaropenez hartu dot ETAren komunikatua. ETAk bere
jarduera behin betiko amaitziak sufrimendu eta min haundixa ekarri daben
indarkerixa egoera bateri bukaeria emotia dakar. Aro barri baten
sartzen gara eta hemendik aurrera gatazka politikua bere dimentsiño
osuan hartzeko aukeria emongo dau. Bukatu dira aitzakixak estatuen
inmobilismuari eusteko eta euskal gizarteak bere etorkizuna erabakitzeko
prozesu bateri ezetz esateko. Gatazka politikuari konponbide integral
bat emoten hasteko pauso garrantzitsua da ETAk emon dabena. Urrats
horrek hasieria emon dotsa egin biharreko bidiari.
2.-Giza eskubidieri dagokixonez Gernikako Akordixuan presuen inguruan jasotako neurrixak betetzia lehentasun bat da. Sakabanaketak ez dau inoiz justifikaziñorik euki eta egoera honetan horrekin bukatu biharra dago. Bestetik, gaixo larrixekin darenak, kondenaren 3/4k beteta dakezenak eta buruzagi politikuak kaleratu egin biharko dira. Hortik aurrera nik uste dot Aieteko Adierazpenak azaltzen dittuan puntuak bete bihar dirala. ETAk iragarri dau bere jardunan behin betiko amaieria.
Beraz horren ondoren, estatu bixak ETAkin batu biharko dira gatazka armatuak ekarrittako ondorixuen inguruan berba eitteko.
Euskal Herrixan
danon arteko alkarbizitzian aldeko pausoak emon biharko dittugu alde
guztiok, biktima danak errekonozituz eta eragindako mina aitortuz. Eta
gatazka politikuari konponbidia emon bihar jako, inor baztartu bare eta
alderdi politiko danak alkarrizketa politikuaren bitartez parte hartuz.
Eta hori guzti hori muga bakar batekin: euskal herritarron borondatia.
Horrek bermatuko dau behin betiko pakia.
MONIKA MURO, ezker abertzalea:
“Eztabaida
politikoari heltzeko garaia da”
1.-Euskal herrian, garai historiko baten atarian gaude. ETAk hartutako erabakia, erabaki historikoa da. Konfrontzazio armatua betiko amaitzea dakar eta orain
eztabaida politikoari heltzeko garaia da. ETAren erabakiak ez du gure herrian dagoen gatazka politikoa desagerarazten. Euskal Herria, herri bezela aitortua
izatea eta bere Etorkizuna libreki erabaki ahal izatea soilik bermatu dezake behin betiko konponbide politikoaren gainditzea.
2.-Urte luzeetako gatazkak, sufrimendu handia eragin du. Oraindik ere, gatazkaren ondorio ugari bere horretan diraute. Lehenbailehen, hoiei heltzea eta gure
herrian normalizazioa, errekonziliazioa eta giza eskubide guztien errespetuan oinarritutako bakea eskuratzea atzera ezinezko lana da.
eztabaida politikoari heltzeko garaia da. ETAren erabakiak ez du gure herrian dagoen gatazka politikoa desagerarazten. Euskal Herria, herri bezela aitortua
izatea eta bere Etorkizuna libreki erabaki ahal izatea soilik bermatu dezake behin betiko konponbide politikoaren gainditzea.
2.-Urte luzeetako gatazkak, sufrimendu handia eragin du. Oraindik ere, gatazkaren ondorio ugari bere horretan diraute. Lehenbailehen, hoiei heltzea eta gure
herrian normalizazioa, errekonziliazioa eta giza eskubide guztien errespetuan oinarritutako bakea eskuratzea atzera ezinezko lana da.