Aurten
ere Debegesa Debabarreneko garapenerako agentziak Eskolako
Agenda 21
proiektua jarri du abian Soraluzeko ikastetxeetan.
2011-2012
ikasturte honetan ikasleek Mugikortasuna izango dute aztergai. Honen helburua ikasleek egoeraren diagnosia egin eta
euren ikastetxean, herrian edota eskualdean dauden ingurumen eta
gizarte arazoak identifikatzea izango da. Beti ere, mugikortasuna ardatz harturik.
Horretarako,
hainbat jarduera edota ekintza burutuko dituzte ikastetxean zein
ikastetxetik kanpora: garraiobideen konparaketa, trafikoaren
azterketa, herritarrei galdeketak, sentsibilizazio kanpainak…
400 eskola-agenda jaso dituzte
Bestalde,
MUGI-MUGI izenburupean, Soraluzeko udalak 400 eskola-agenda banatu
ditu 6 eta 18 urte bitarteko ikasleen artean.
Mugikortasunarekin
lotutako gaiak landu dira aurtengo agendan, eta Debabarreneko garraio
sarearen mapa eta Gipuzkoako etorkizuneko bidegorri sarea ditu
barruan.
Gainera,
lehen aldiz, lehiaketa bat jarri da martxan agendaren bitartez
Debabarreneko ikasleei zuzenduta. “AMESTU
ZURE HERRIA: Nolakoa nahi zenuke izatea zure herria/hiria?”
lelopean, ikasleek euren udalerria etorkizunean nola ikusi nahi
luketen adierazi beharko dute.
{mosimage}