Xabier Lete oroitzeko egin zen ekitaldia jasotzen duen DVDa asteburu honetan ipiniko dute salgai kontzejupean 6 eurotan. Zapatuan 19.00etatik 21.00etara eta domekan 12.30etik 14.30era.
Datorren astetik aurrera herriko denda eta tabernetan ere egongo dira.
DVDak joan den martxoan Xabier Lete omentzeko egindako jaialdia jasotzen du. Herriko kultur talde, musikari eta norbanakoek hartu zuten parte jaialdian eta Leteren poemak, kantuak zein itzulitako testuak eskaini zituzten. Zinea leporaino bete zen.