Soraluzeko kaleko Margo Lehiaketak bere XVIII. edizioa ospatu zuen domekan. Danera 27 margolarik eman zuten izena lehiaketan, 19 helduk eta 8 haurrek.
Helduen mailan lehen saria Julio Gómez Mena leioarrak irabazi zuen. Bigarren eta hirugarren, Piedad Santamaria leioarra eta Esteban Oroz eibartarra izan ziren hurrenez-hurren.
Haurren mailan Xabier Jauntsarats izan zen irabazlea, atzetik Janire Makinai eta Garazi Aizpurua.
Margolanak kiroldegiko erakustaretoan ipiniko dituzte ekainaren 6tik 11ra. Astegunetan 19.00etatik 20.30era eta zapatuetan 12.00etatik 13.30era.