Soraluzeko EAJ-k bere alderdiko hauteskundeetako kanpainako kartelen gainean, beste kartel batzuk itsatsi izana salatu du.
Hurrengoa adierazi du EAJ-k: "Gaur goizean horrela agertu dira gure kanpainako kartelak. Ekintza honen aurrean gure salaketa plazaratzea nahi dugu, ondorengo galdera luzatuz: Hau al da batzuentzat demokrazia?".
Plaza Zaharreko paneletan itsatsi dituzte kartelak. Besteak beste, "demokraziak ez gaitu aske egingo" mezua daramate.