Gaur hauteskundeen aurretiko azken udalbatzarra egingo dute 4 urtean elkarren ondoan egon diren 11 zinegotziek.
Eguneko puntu esanguratsuenetakoa Maisuen Etxeetan errentariak hautatu eta onartzeko Oinarriak onartzea izango da. Oinarri hauek Hirigintza batzordean eztabaidatu dira eta horiek onartuta, Maisuen Etxeak erabiltzen hasi ahalko dira.
Horrez gain, Soraluzeko Udalaren eta Soraluze Futbol Taldearen arteko hitzarmena onartzea bozkatuko dute, horren bitartez Ezoziko futbol zelaiko instalazioen erabilpena arautuko dute.
Bestetik, etxez-etxeko laguntza zerbitzuko erabiltzaileen artean botiken erabilera optimizatzen duen programa garatzeko, udalaren eta Gipuzkoako Botikarien Elkargoaren arteko lankidetza hitzarmena bozkatuko dute zinegotziek.
