Sorako Jubenilek Ezozin jokatu zuten Urolaren aurka, eta 5-2 irabazi gainera. Hiru puntuek aurreko zauriak ixteko balio izan dute eta noski, animoa igotzeko. Orain 5 puntu dituzte Jubenilek, baina liderrarengandik urrun samar daude hala ere, 22 puntu ditu-eta Azpeitiako Ikasberrik. Datorren astean hauen aurka jokatuko dute Jubenilek, kanpoan.
Kadeteek atsedena izan dute joan den asteburuan. Indarrak berrituta Eibartarrak-en aurka neurtuko dira zapatu honetan, Unben. Kadeteak oraindik ez dira estreinatu sailkapenean eta Elgoibar, lider, abantaila handitzen dihardu (24 puntu ditu).
Sorako Erregionalek galdu egin zuten. "A" Erregionalek Eibartarrak-en aurka neurtu ziren eta 3-1 galdu. "B" Erregionalek etxean Urki hartu zuten eta 2-4 galdu hauek ere. Eibartarrak-ek sailkapenean Sorako lehen taldearekiko aldea txikitu du eta 3 puntura dago, 19 punturekin, Bergara moduan. Sorako "B" Erregionalak ordea, puntu batekin taularen behekaldean jarraitzen du.
Datozen partiduak
"A" Erregionala-Gazteak
"B" Erregionala-Aretxabaleta "C"
Ikasberri-Sora Jubenilak
Eibartarrak-Sora Kadeteak