Zapatuan, hilak 13 Gaztañerre azoka egingo da. Baserritarrak eta abeltzainak herrira jaitsiko dira euren generoa erakutsi eta saltzera. Egun horretan Misio Taldeak ere postua ipiniko du kontzejupean. Aurten ere etxean egindako gozokiak eta postreak salduko dituzte. Lortutako dirua Ruandako Mugina herrialdera bialduko dute, han eraikitzen diharduten haur hezkuntzako eskola batean komun berriak egiteko erabiliko dute eta modu horretan, haurren eskolatzea bultzatu nahi dute.