Zenbait aldaketaren ostean antzerki zikloko behin betiko datak jakinarazi ditu Soraluzeko Udalak. Antzezlan guztiak azaroan izango dira, hona hemen data definitiboak:
-Azaroak 5: KANPAIA JO BITARTEAN
-Azaroak 19: VUELVE BIGOTILLO VUELVE
-Azaroak 26: EUSKARAZETAMOL
KANPAIAK JO BITARTEAN
Galder Perez zuzendari eta Libe Aranburu eta Ugaitz Alegria aktore
lanetan. Glu Glu konpainiaren antzezlan honek, elkar ezagutu behar ez
zuten eta behar baino gehiago elkar ezagutuko duten pertsonen arteko
ezusteko komedia eroa eta bizia.
VUELVE BIGOTILLO VUELVE
Gabriel Reigen lan honetan kabaret satiriko estilora egituratutako
antzezlana ikusiko dugu, gizarteko arazoei kritikoki eragiten diena.
Kantu eta dantzekin lagundutako erritmo azkarreko lana. Aktoreek,
Espainiako politiko ezagunen papelak hartuko dituzte, besteak beste,
Manuel Fraga, Esperanza Aguirre, Mariano Rajoy eta Eduardo Pombar
plaentxiatarrak hezurmamituko duen Jose Maria Aznar.
EUSKARAZETAMOL
Jokin Oregi soraluzetarraren zuzendaritzapean, Patxi Telleria eta Mikel
Martineze trilogiaren azken antzezlana eskaintzera datoz. Aurretik,
"Euskara Sencilloaren Manifestua" eta "Larruaizetara" lanak taularatu
ditu bikote honek eta "Dibertimentuak" izenez batailatutako trilogiaren
azken alea errepresentatuko dute Zinean.