Udala bihar hasiko da herrian dagoen etxebizitza premia aztertzeko elkarrizketak egiten. Soraluzeko bi herritar kontratu dituzte telefono bidezko elkarrizketak egiteko, 550 guztira, zoriz aukeratutako etxeetan. Ikerketa honen helburua etxebizitza premia eta eskaria jasotzea da, euren ezaugarriak jasotzearekin batera.
Udalak elkarrizketatuak izango diren pertsonei eskatu nahi die inkesta erantzutean ahalik gehien kolabora dezatela elkarrizketatzaileekin. Inkestaren iraupena 12 minutukoa izango da gutxi gorabehera eta erabat anonimoa izango dela bermatu dute.