Urrats Dantza Taldeak euskal dantza ikastaroak urrian hasiko ditu. Helduentzako fandangoa eta arin-arina irakatsiko dute urriaren 15etik azaroaren 12a bitartean. Ordutegia honakoa: barixakuetan, 19:30etik 21:00etara.
Haurren dantza eskolak ere izango dira urriaren 1etik aurrera. Ordutegien zabalpena eskolan eta institutuan egingo du dantza taldeak.
Mutxiko eguna urriaren 10ean
Aurreko urteetan egin den bezala, aurten ere Arrangoitzera irteera egingo dute dantzariek. Iaz jende ugari joan zenez Soraluzetik, aurten autobus bat antolatzea erabaki dute. Urriaren 10ean, goizeko 9:00etan irtengo da. Izena emateko joan Iratxo goxodendara.