Bihar arratsaldeko 19:00etan Emakumeen Topagunea udaletxeko saio aretoan bilduko da. Bilerak soraluzetar guztiei zabalik daude, nahi duenak parte hartu dezan.
Autodefentsa ikastaroak eta KZgunean ikastaroak
Maiatzaren 11ko bileran autodefentsa ikastaroa antolatzea erabaki zuten, datorren urteko urtarrilera begira. Horrekin batera, Institutuko mutilei maskulinitate ikastaroak eskaintzeko eta neskei autodefentsa ikastaroak eskaintzeko Azpeitiko Berdintasun Teknikariarekin kontaktuan jartzea erabaki zuten.
Herriko emakumeak internetera hurbiltzeko ahaleginean, KZgunearen bitartez sare sozialen ikastaro bat eskaintzeaz ere hitz egin zuten. Horren haritik, Emakumearen Topaguneak jakinarazi du Facebook sare sozialean dagoela Topagunea, berdintasuna@soraluze.net helbidean.