Atzoko jardunaldia Sorako taldeen faboreko joan da, izan ere, hiru taldeek eskuratu dute garaipena asteburuan. Erregionalek Lazkaoren aurka jokatu zuten Antzuolako
Estalan eta puntuei ondo heldu zieten 2-0 irabazita. Hurrengo
jardunaldian Urolaren kontra neurtuko dira, kanpoan. Urola plaentxiarrak
baino indartsuago dabil, 6. sailkapenean 42 punturekin. Erregionalak
ostera, 13. daude sailkapenean 32 punturekin.
Kopa jokatzen diharduten beste taldeek ere ondo eutsi
die puntuei. Kadeteek eta Jubenilek biek Arizmendiren aurka jokatu zuten
atzo, eta biek irabazi. Lehenengoek etxean jokatu zuten, 6-2, errez
irabazi zieten Eskoriatzakoei. Jubenilek berriz kanpoan jokatu zuten
eta 1-4 irabazi.
Datorren asteburuan Sorako Kadeteek Aretxabaletaren
aurka neurtuko dira eta Jubenilek Eibartarrak taldea jasoko dute
Estalan.