Joan de astean iragarri moduan, aste honetan bi egunetan greba egingo dute jantokiko langileek. Gaur eta eguenean, gutxieneko zerbitzuak eskainiko dituzte 2 eta 3 urteko haurrentzako. Ikastetxeak web gune honi azaldu dionez, datorren astean greba egunak astelehenean eta eguaztenean izango direla aurreikusten dute.
Aurreko eguaztenean jakin genuen Plaentxi Herri Ikastetxeak bat egingo zuela sindikatuek deitutako greba deialdiarekin. Horrela, astean bitan egingo dituzte lanuzteak, egun desberdinetan eta epe mugagabean. Langileek aldarrikapenak euren zerbitzua hobetzeko egingo zituztela adierazi zuten eta langileen euren zein haurren onerako delako egingo zutela greba argudiatu.