Ondo entzun duzue, bai, zineak ohialak jasoko ditu. Hamabi bat urte inguru joan dira azkenengoz zinea erabili zenetik. Ordutik, herriko eskaintza kulturalari irtenbide bat emango zion zinea berriztu eta gertatzeko eskaera asko egin dira; orain, errealitate bilakatuko da.
200 lagunendako lekua
Abenduaren 4an "Ate Joka" antzezlanarekin egingo da kiroldegiko
zinearen irekiera. Antzokiak 200 lagunendako tokia izango du, pantaila, proiektore,
oinarrizko soinu eta argi instalazioarekin. Eszenatokia 5'5 x 8'5 x 1
metrokoa izango da. Aire egokitua izango du, kontrol gela bat eta
komunak. Hasiera batean antzokiak aldapa (gainbehera) izango bazuen
ere, Udalak ez ipintzea erabaki du kostu ekonomiko handia suposatzen
baitzuen.
| {mosimage} |
| {mosimage} |
Besaulkiak eta kamerinoak datorren urtean
Antzokia zabaltzen denean bi gauzaren faltan egongo da, besaulkiak eta kamerinoak. Horiek datorren urtean ipiniko dira dena ondo bidean badoa. Bien bitartean, aulkiak erabiliko dira esertzeko. Kamerinoa behin-behinean erabili ahalko da.
| {mosimage} |