Gaur goizaldeko 4:30etan Ertzaintzak A-8 autopistatik N-634 errepiderantz, Galdakaorantz zihoan furgoneta bat atzeman du eta bertan zihozen lau lagunak atxilotu ditu. Ertzaintzak ibilgailuak gainkarga zeramalako atzeman du.
Furgoneta miatzean hagak, latoizko pieza metalikoak eta txirbila-zakuak topatu dituzte. Atzo Soraluzeko enpresa batean (enpresaren izena ez dute argitaratu) lapurreta salatu zuten. Furgonetan zeramaten materialaren ezaugarriek atzo Soraluzen salatu zen lapurretarekin lotu dute.
Miaketaren ostean, furgonetan zihozen lau lagunak atxilotu dituzte, 20-35 urte bitartekoak denak, indarrez egindako lapurreta leporatuta.