Eskolako Agenda 21 proiektuaren barruan egin dituzte ikerketok, eta finean, herriko energiaren egoera hobetzeko lanak prestatu dituzte. Horretarako, herriko eta ikastetxeetako diagnostikoa egin dute.
Urte guztiko lanaren emaitza da atzokoa. Hamairu proposamen aurkeztu zituzten ikasleek, besteak beste, garraio publikoaren maiztasuna handitu eta energia berriztagarrien alde egiteko. Udaleko ordezkariek eskerrak eman zizkieten ikasleei egindako lanagatik. Datorren urtean beste gai bat izango dute aztergai.