Udalak Oroimen-eguna izendatu zuen irailaren 22a, 1936an erreketeen tropak herrira sartu ziren eguna. Joan zen urtean Soraluze 1936 lan taldekook gerra sufritu zuten guztiei eskainitako monolitoa ezarri genuen Iturburun. Herrian garai horretan gertatutakoa oroitzeari eskainitako leku bat eskaintzea izan da helburua. Eskerrik asko udalari eta batez ere brigadari, inguruari halako garbitua ematearren.
Liburua azaroan
Azaroan 1936ko gerrako testigantza eta informazioarekin osatu dugun liburua aurkeztuko dugu. Bertan jaso ditugu garai hartan gertatutakoaren inguruko hainbat kronika eta datu.