Horrekin batera, jolasa oinarri hartuta gozatuko dutela aurreratu dute eta kaleak jolasgune bilakatuko dituztela, “kaleko txokoak jolaserako baliatuko ditugu”. Herritarrak lagun eta konplize bilakatu nahi dituzte, “elkarrekin hezi eta hazi nahi dugu”.
Irteerak, festak eta kanpadak
Pizina eta ur-potzuetara egingo dituzte bisitak, Aulestira edota Gamarrara esaterako baina hezitzaileen berbetan, “udalekuetako momentu bakoitza izango da berezi”. Aurten, bigarren urtez antolatuko dute “Ume gaintoen festa”, txikienekin uztailaren 20an, LHIko ikastetxean eta gaztetxoenekin San Andresen, uztailaren 21ean.
Aurreratu dutenez, uztailaren 23an, amaiera berezia emango diete aurtengo udalekuei, “Kale kolore” egunarekin: “umeek egunez egun antolatuko duten egun handia izango da; iaz txirrista eta jolasez bete genituen herriko kaleak, ia aurten zer asmatzen dugun denok elkarrekin!”. “Guretako ez dago ezinezkorik, sormena erabilita ametsak egi bihurtzeko gai garalako”, gaineratu dute.
Nobedade moduan gainera, Kukumixok abesti bat grabatu du eta aurtengo udalekuak doinu horren inguruan mugituko dira.
