Adrian Costak Tonky Blues Band bezalako taldeak ezagutu zituen, haietan Buddy Miles eta Mick Taylorren mailako artistekin jardun zuen eta ondoren, Los Reyes del KO taldeko abeslaria izan zen. Talde horrek bost disko grabatu eta emanaldi ugari eskaini zituen Europako eta Ameriketako estatu askotan. Alemaniako egonaldiaren ostean bi urte eman zituen San Frantziskon eta disko batekin eta abesti berriekin itzuli zen gero. Betiere maila handiko musikariak lagunduta, antolatzaileen esanetan "oso-oso biziak eta jostagarriak" dira Adrián Costaren emanaldiak.
Informazio gehiago hemen
Gatos bizcos, barixakuan
Madrilgo blues taldean bere bigarren lana, "Eurovegas" aurkeztuko du gaueko 23:00etan.
Quique Gomezek (ahotsa, armonika eta gitarra), Pablo Sanpak (gitarra), Hector Rojok (kontrabaxua eta koroak) eta Miguel A. Benitok (bateria) osatzen dute taldea eta 2010. urtetik dihardute talde moduan emanaldiak eskaintzen. Bere azken lana osatzeko artista gonbidatu ugariren kolaborazioa izan dute, eta besteak beste, saxoa, tronboia, biolina edota tronpetaren doinuak nahastu dituzte blues, soul, swing eta rock erritmo original eta biziak lortzeko.
Iazko abuztuan Gaztelupeko terrazan eskainitako emanaldia:
Informazio gehiago hemen